इक लम्हे का PARADOX

aakhbaraun se kaati hui vo daasiyaun hi katranaen , jis har ek mae naam tumhare ke akshar aa padtae thae
khali baerang anchui si us zindgi jaisi hi ik scrapbook kahin se payi thi
uske paanaun pe un akhsharaun ko jod jod pehla indradhanush banaya tha
kyaari se kuj nanhi kalliyan toodi thi, maa ki nazar se bachkar
glue se jinhae pirokar, tumhare naam ke har akshr se sajaya tha.
vo kaalyan kuj geeli thi,ark sookhkar daag ho gaya unke baad.
vaqt ke saath saath, scrapbook ke paanaun pae bhi yaadaun ki xerox copies ki jamat badhti rahi

kai thodi shararti thi, haath paun chala, mauka paate hi peelae paanaun ki qaed se nikal li

unki jagah pe, glue ki chardivari abhi bhi, morcha pakdae hai

bikhartae paanaun vali us moti scrapbook mae , aaj bhi dhundlaa sa ik indradhanush tangaa hai
vo ik lamhae ka paradox hai, baaki tau sirf kuch goongae daag aur paraye chahrae hain.