Mysore days and forenoons..

Har mitti apna rang, apni sugandh liye, zootaun se paaun mae aur paaun se, rooh mae ghhus jaati hai
yeh nahi ki yahan ki mitti bheeni nahi..
ye bhi nahi ki ujlaae rangbirangae khabaun se saje nahi..
par koi badal yahan, sar pe pal bhar bhi chhaaun nahi de paata..
har teesrae din barsaat hoti hai, par ik bhi bauchhaar bhhegi yaadaen aankhaun ki dayodhi kheench laa nahi pati.
ik ajeeb sunapan hai yahan... 8.30 se 5.30 ka khael sueeiyon ki chaal nahi chalta..
yahan din kuch tanae tanae se, khinchae rookhae se rehtaen hain.. beet-tae hi nahi.
independent single room ke sannate, damghotu privacy se lade tangae rehtae hain.
sirf mess mae chehrae aankhaun pe sajtae hai aur fir kisi 2- sec ki , "issued in public intrest" si warning se gayab ho jaatae hain.
itni khoobsurti ke beech bhi, shabd andekhe andheroun mae gote khaatae rehtae hain.
har kisi ko independence chahiye, unmukt hone ko, udnae ko, par failane ko
par mol poocheyae ussae, jiski maa shaam ki chai pe, usae din bhar ke kissae sunnane ko taras jaati hai
15 min ki bandhi bandhai phone call se dil behlati hai, ki chalo vo thhek tau hai..
yahan raat nahi hoti, kyunki log raat bhar kam karte hain.
taareekh ke do hi maaenae hain.. "day" aur "forenoon"
afternoon kuch bhaata nahi yaahan ke budhijeeviyoun ko
sabko jald se jald thesis jamaa kar, yahan se nikalna hai
koi banjar sa sookha padav ho jase ki, bas carrier ki gaadi ko P.hD ka darjaa milae tau fir se jindagi kinare lage.
shayad yahan ki mitti hi aaesi hai...
shayad kisi din yeh mitti meri rooh bhi chunae..
fir shayad kisi forenoon, Mysore bhi, kuch ghar sa lage..