tumsae ik purani pechan si lagti hai..
tum vahi ho na, jo thaki mundi aankh mae misri kae sapne de jate thae..
kitna hi royi ho aankh, par tum behlakar , chain ko le hi aate the.
chehraa tau kuch yaad nahi, par vo annjani sukun ki khusbhu jehan mae hai,
usi khusbhu ka paed lagte ho tum.
ik purani si yaad ka hissa ho tum..
vo yaad jo murad ke na mange hi milnae hi khushi ki thi.
muddataun ke baad vohi neend aane lagi hai..
muddatein jo janmaun ka fer naap gayin.
laptaen ghiri tau bahut thi, dil dara bhi bahut baar,par shukar hai khwab bach gaya.
aaj fir palken tumhara peecha karengi,
kya ptaa tumhe ik nazar bhar aaj paa hi lun..